काठमाडौं । साताको दोस्रो दिन सोमबार पनि शेयर बजार घटेको छ । आज नेप्से परिसूचक ३ दशमलव ३४ अंकले घटेर १,८१८ दशमलव ३१ को विन्दुमा झरेको हो । आइतबार पनि नेप्से १६ अंकले घटेकाे थियाे ।

सोमबार ९६ कम्पनीको शेयर मुल्य बढेको छ भने १०४ कम्पनीको शेयर मुल्य घटेको छ । आज दिनभरिमा २६६ कम्पनीको २३ लाख ४१ हजार २४० कित्ता शेयर किनबेच हुँदा ७२ करोड ४९ लाख रुपैयाँको शेयर कारोबार भएको छ ।

आज सबैभन्दा धेरै एनआइसी एशिया बैंकको शेयर कारोबार भएको छ । बैंकको ३ करोड ४ लाख रुपैयाँको शेयर कारोबार भएको छ ।

त्यस्तै सगरमाथा ल्म्बिनी इन्स्योरेन्सको २ करोड ९८ लाख रुपैयाँको शेयर कारोबार भएको छ भने नागरिक लगानी कोषको २ करोड ४३ लाख रुपैयाँको शेयर कारोबार भएको छ ।