काठमाडौं । नक्कली भुटानी शरणार्थी प्रकरणमा काठमाडौं जिल्ला अदालतका न्यायाधीश प्रेमप्रसाद न्यौपानेको इजलासमा टोपबहादुर रायमाझी, आङटावा शेर्पा र समशेर मियाँको बयान सुरु भएको छ ।

टोपबहादुर पूर्व उपप्रधानमन्त्री तथा नेकपा एमालेका निलम्बित सचिव हुन् । उनी नक्कली भुटानी शरणार्थी प्रकरणको मुख्य योजनाकारमध्ये एक रहेको भन्दै मुद्दा दायर भएको छ ।

शेर्पा नेपाली कांग्रेसका महाधिवेशन प्रतिनिधि हुन् । मियाँ भने हज समितिका अध्यक्ष हुन् ।

नक्कली भुटानी शरणार्थी प्रकरणमा पक्राउ परेकाहरूको बयान जेठ १२ गतेदेखि काठमाडौं जिल्ला अदालतमा सुरु भएको थियो । बुधबारसम्म १२ प्रतिवादीको बयान लिइसकिएको छ ।

प्रकरणमा १७ जना पक्राउ परेका छन् । प्रकरणका आरोपितमध्ये १३ जना अझै फरार छन् ।