काठमाडौँ । नक्कली भुटानी शरणार्थी प्रकरणमा थुनछेक बहसको थवाफी बहस पनि सकिएको छ । शुक्रबार जिल्ला अदालत काठमाडौंका न्यायाधीश प्रेमप्रसाद न्यौपानेको इजलासमा पाँचजना सरकारी वकिल र दुईजना अधिवक्ताले जवाफी बहस गरेका थिए ।

जवाफी बहस सकिएसँगै अब न्यायाधीश न्यौपानेले छुनछेक आदेश दिने तयारी गरेका छन् ।

न्यौपानेले पक्राउ परेका १८ जना अभियुक्तहरुलाई पुर्पक्षका लागि थुनामा पठाउने, धरौटीमा रिहा गर्ने र साधारण तारेखमा छाड्ने के गर्नु पर्ने हो, त्यो आदेश गर्नेछन् ।

बिहीबार सरकारी वकिलहरु लक्ष्मण घिमिरे, महेश खत्री, निर्मला मरिसानी, दिनेश भट्टराई, सरकारी वकिल प्रमुख अच्युतमणि नेउपानेले जवाफी बहस गरे।

त्यसैगरी जाहेरवालाको तर्फबाट निजी वकिलहरु स्वागत नेपाल र ध्रुवलाल श्रेष्ठले पनि बहस गरे।

गत बुधबारदेखि यही बिहीबारसम्म १८ जना प्रतिवादीहरुका वकिलले प्रतिरक्षा बहस गरेका थिए । त्यसपछि सरकारी वकिलहरुले जवाफ दिएका हु्न।