आलिया भट्ट र रणवीर सिंह स्टारर फिल्म ‘रकी और रानी की प्रेम कहानी’ जुलाई २८ मा हलमा रिलिज हुँदैछ । फिल्मले रिलिज अगावै बजेटको ९० प्रतिशत रिकभर गरिसकेको छ ।

भारतीय सञ्चामाध्यमका अनुसार १६० करोड भारूको बजेटमा बनेको यो फिल्मको प्रिन्ट र पब्लिसिटीमा १८ करोड रुपैयाँ खर्च भएको छ । यसरी फिल्मको कुल लागत १७८ करोड भारु पुगेकाे छ ।

फिल्मले अहिलेसम्म डिजिटल राइट्सबाट ८० करोड र स्याटेलाइट राइट्सबाट ५० करोड कमाएको छ । यसबाहेक निर्माताले यसको संगीत अधिकार ३० करोडमा बेचेका छन् । यी सबै सहित अहिलेसम्म फिल्मले लागतकाे १६० करोड रुपैयाँ असुली गरिसकेको छ । यसरी हेर्दा ‘रकी और रानी की प्रेम कहानी’ बक्स अफिसमा सुरक्षित अवस्थामा छ ।

यस फिल्मका ‘तुम के मिले’, ‘झुम्का’ र ‘वे कमलिया’का तीनवटा गीत निर्माताले सार्वजनिक गरिसकेका छन् । सोमबार निर्माण पक्षले यसको चौथो गीत ‘धिण्डोरा बाजे रे’ रिलिज गर्दैछ । दुर्गा पूजाको पृष्ठभूमिमा गीतलाई रणवीर र आलियामा खिचिएको छ ।