काठमाडाैं । अभिनेत्री जरीन खानले आफु कट्रिना कैफ जस्तो देखिने भएका कारण धेरै पीडा भोगेको बताइन् । उनले आफुलाई जहिले पनि कट्रिनाको सुन्दरतासँग तुलना गरिएकाे बताइन् ।

उनले फिल्म उद्योगमा प्रतिभाले नभइ मित्रताका कारण काम पाउने बताइन् ।

जरीनले सलमान खानको फिल्म ‘वीर’बाट डेब्यु गरेकी थिइन् । उनलाई लन्च गर्ने श्रेय सलमानलाई जान्छ । उनले सुरुमा राम्रा फिल्ममा काम गर्ने मौका पाइन् । तर केही समयपछि जरीन पर्दाबाट गायब भइन् । पछि फिल्म आएपनि उनको काम रुचाइएन ।

QUESTION & ANSWER को एक सेसनमा पुगेकी जरिनलाइ एक प्रयोगकर्ताले साेधे कि- कट्रिनासँगको तुलनाले उनको करियरमा कस्तो असर पर्‍यो ?

जवाफमा जरीनले भनिन्– ‘म फिल्म इन्डस्ट्रीमा प्रवेश गर्दा हराएको बच्चा जस्तै थिएँ । म कुनै फिल्मी पृष्ठभूमिबाट आएको होइन । दर्शकहरूले मलाई कट्रिनासँग तुलना गर्दा म धेरै खुसी हुन्थेँ।’ उनले भनिन् ‘म कट्रिनाको सौन्दर्यको फ्यान पनि थिएँ, तर उनीसँगको तुलनाले गर्दा उद्योगले मलाई प्रमाणित गर्ने मौका दिन सकेन।’