काठमाडौं । मकवानपुर, हेटौंडा उपमहानगरपालिका-३ लेवट जम्मु बस्ने ३२ वर्षीय अशोक स्याङतानको करेन्ट लागेर बुधबार दिउँसो मृत्यु भएको छ । सोही ठाउँस्थित खेतमा पानी लगाउने क्रममा पानी तान्ने मेसिनबाट करेन्ट लागेर गम्भीर घाइते भएका उनको चुरेहिल अस्पतालमा उपचारको क्रममा मृत्यु भएको हो ।

कञ्चनपुर, भिमदत्त नगरपालिका-१० पशुपती टोल बस्ने ४० वर्षीय दिनेश ओडको करेन्ट लागेर बुधबार साँझ मृत्यु भएको छ । सोही नगरपालिका-५ स्थित रोड छेउमा लत्रिएको विद्युतीय तारबाट करेन्ट लागेर गम्भीर घाइते भएका उनको महाकाली प्रादेशिक अस्पतालमा उपचारको क्रममा मृत्यु भएको हो ।

दुवै घटनाका सम्बन्धमा प्रहरीले थप अनुसन्धान गरिरहेको छ ।