मलेसिया । मलेसियामा जारी चार देश सम्मिलित महिला टी(ट्वान्टी आई सिरिजको उपाधिका लागि नेपालले आज (शनिवार) हङकङसँग प्रतिस्पर्धा गर्दै छ । नेपाल र हङकङबीचको फाइनल खेल बायोमास मैदानमा नेपाली समयानुसार बिहान पौने १२ बाट शुरू हुनेछ ।

चार देश सम्मिलित सिरिजमा नेपाल पहिलो र हङकङ दोस्रो भएर फाइनल प्रवेश गरेका हुन् ।

लिग चरणमा भएको भेटमा नेपालले हङकङलाई ६ विकेटले पराजित गरेको थियो ।

आयोजक मलेसियासहित नेपाल, हङकङ र कुवेतले महिला टी–ट्वान्टी सिरिज खेलिरहेका छन् । यही अगष्ट ३१ तारिखदेखि मलेसियामै हुने आइसिसी महिला टी–२० विश्वकप एसिया क्वालिफायरको तयारीस्वरुप नेपालले उक्त सिरिज खेलिरहेको छ ।