काठमाडौँ । पुष्पकमल दाहाल नेतृत्वको गठबन्धन सरकारले चार महिना १० दिनमै अर्थसचिवबाट अर्जुन पोखरेललाई हटाएको छ ।

गत शुक्रबार प्रधानमन्त्री तथा मनित्रपरिषद्को कार्यालय सिंहदरबारमा बसेको मन्त्रिपरिषद् बैठकले गत बैशाख २० गतेको मन्त्रिपरिषद् बैठकबाट अर्थसचिवको जिम्मेवारी संहालेका पोखरेललाई सरुवा गरेर प्रधानमन्त्री तथा मन्त्रिपरिषद् कार्यालयमा पु¥याइएको छ ।

अर्थसमितिमा विवादस्पद पृष्ठभूमि रहेका कृष्णहरि पुष्करलाई सरुवा गरिएको छ । १० पुसमा एमालेसहितको गठबन्धन सरकार बनेपछि अर्थमन्त्री बनेका एमाले उपाध्यक्ष विष्णु पौडेलले अर्थसचिव रहेका पुष्करलाई हटाएर तोयम रायलाई अर्थसचिव बनाएका थिए ।

अर्थमन्त्री जनार्दन शर्माको कार्यकालमा राजश्व दर ‘हेरफेर’ विषयमा विवादित भएपछि २०७९ साउनमा तत्कालीन अर्थसचिव मधु मरासिनीलाई हटाएर शर्माले पुष्करलाई सचिव बनाएका थिए । पुष्कर त्यतिबेला अर्थ मन्त्रालयमै राजश्व सचिव थिए ।

वर्तमान गठबन्धन सरकारमा डा.प्रकाशशरण महत अर्थमन्त्री भएपछि राय हटाएर पोखरेललाई गत वैशाख २० गतेको मन्त्रिपरिषद् बैठकले सरुवा गरेको थियो ।

अर्थसचिवको जिम्मेवारी पाएका पुष्कर हाल बेलायत भ्रमणमा छन् । पुष्करलाई गत भदौको पहिलो साता संघीय मामिला तथा सामान्य प्रशासन मन्त्रालयबाट प्रधानमन्त्री तथा मन्त्रिपरिषद् कार्यालयमा सरुवा गरिएको थियो ।

पुस्ष्करलाई सरुवा गरेर संघीय मन्त्रालयको सचिवमा विनोद सिंहलाई पठाइएको थियो ।