काठमाडौं । नेकपा एमालेका अध्यक्ष केपी शर्मा ओलीले टिकटकर आयुषसिंह ठकुरी र एलिजे जमाली (एलिजे) लाई ‘इन्गेजमेन्ट’का लागि बधाई दिएका छन्।

शनिबार सामाजिक सञ्जालमार्फत ओलीले नेपाली टिकटकर आयुष र पाकिस्तानी टिकटकर एलिजेलाई बधाइ दिएका हुन् ।

मायाले जातिको, धर्मको, देशको सीमाको पर्खाल पनि नाघेर उचाइ लिन्छ। ओलीले भनेका छन् यसले जाति, धर्म, सम्प्रदायमा भिन्नता होइन, समानता खोज्न सिकाउँछ। उनीहरूलाई बधाई छ।’

टिकटक लाइभबाटै प्रेममा परेका आयुष र एलिजेबीच हिजो (शुक्रबार) दुबईमा इन्गेजमेन्ट भएको थियो ।