झापा । ४५ वर्षीया महिलालाई जबर्जस्ती करणी गरेको अभियोगमा मेचिनगर नगरपालिका ११ बाँसबारी टोल बस्ने २६ वर्षीय करण कवरलाई प्रहरीले पक्राउ गरेको छ ।

करणले ती महिलालाई जबर्जस्ती करणी गरेको भन्ने उजुरीको आधारमा इलाका प्रहरी कार्यालय धुलाबारीबाट खटिएको प्रहरीले शनिबार दिउँसो पक्राउ गरेको हो ।

यसैगरी १५ वर्षीया किशोरीलाई जबर्जस्ती करणी गरेको अभियोगमा धनकुटा महालक्ष्मी नगरपालिका ६ घर भई हाल झापा बिर्तामोड नगरपालिका ६ श्यालडाँगी बस्ने २७ वर्षीय प्रकाश तामाङलाई शनिबार दिउँसो प्रहरीले पक्राउ गरेको छ ।

तामाङले किशोरीलाई जबर्जस्ती करणी गरेको भन्ने उजुरीको आधारमा इलाका प्रहरी कार्यालय अनारमनीबाट खटिएको प्रहरीले उनलाई पक्राउ गरेको हो ।