काठमाडौँ । सोमबार नेप्से परिसूचक २३.१६ अंक घटेर १८५१.४३ विन्दुमा झरेको छ। नेप्सेसँगै सेन्सेटिभ इण्डेक्स ३.३८, फ्लोट इण्डेक्स १.५८ र सेन्सेटिभ फ्लोट इण्डेक्स १.३१ अंक घटेको छ।

आज २८४ स्टकको शेयर कारोबार हुँदा ३४ स्टकको मात्र मूल्य बढेको छ। २४२ स्टकको मूल्य घटेको छ भने ८ स्टकको मूल्य स्थिर रहेको छ।

नेप्से घटे पनि आज कारोबार रकम बढेको छ। अघिल्लो कारोबार दिन १ अर्ब ७० करोडको शेयर कारोबार भएको बजारमा आज ६९ हजार ८३२ पटकको कारोबारमा १ अर्ब २५ करोड ३२ लाख रुपैयाँ बराबरको ४८ लाख ३७ हजार कित्ता शेयर खरिदबिक्री भएको छ।

यस दिन १३ वटै उपसमूहको परिसूचक घटेको छ। जसमध्ये जीवन बीमा उपसमूहको परिसूचक सर्वाधिक २.०९ प्रतिशत घटेको छ।

कारोबार रकमका आधारमा यस दिन प्रभु बैंकको संस्थापक शेयर शीर्ष स्थानमा रहेको छ। बैंकको यस दिन ६ करोड २४ लाख रुपैयाँ बराबरको संस्थापक शेयर कारोबार भएको छ। त्यसैगरी, हाथवे इन्भेष्टमेन्टको ५ करोडभन्दा बढीको शेयर खरिदबिक्री भएको छ।