काठमाडौँ । नेपाल खाद्य संस्थानले विजयादशमीका लागि खसी, बोका तथा च्याङ्ग्रा विक्रीका लागि तोकेको मूल्य घटाएको छ ।

संस्थानले सूचना जारी गर्दै खसीबोकामा प्रतिकिलो २० र च्याङ्ग्रामा प्रतिकिलो ३५ रूपैयाँ घटाएको हो ।

अब ग्राहकले खसीबोका जिउँदो प्रतिकिलो ६६० र च्याङ्ग्रा जिउँदो प्रतिकिलो १२३५ मा पाउँने छन् । त्यसमा १० प्रतिशत छुटको व्यवस्था पनि कायमै रहेको संस्थानले जनाएको छ ।

संस्थानले असोज २९ गते सूचना जारी गर्दै जिउँदो खसी बोका ६८० रुपौयाँ प्रतिकिलो र च्याङ्ग्रा १२६० रुपौयाँ प्रतिकिलोमा विक्रि वितरण गर्ने मूल्य निर्धारण गरेको थियो । त्यो मूल्यलाई आज परिमार्जन गरिएको हो

सस्थानले प्रादेशिक कार्यालय थापाथलीबाट ३० असोजबाट खसी बोका र च्याङ्ग्रा विक्रि गरिरहेको छ ।

आज परिमार्जित मूल्य भोलिबाट लागूहुने छ ।