काठमाडौं । त्रिकोणात्मक टी–२० श्रृंखलामा यूएईलाई हङकङले ६९ रनले पराजित गरेको छ ।

मुलपानी क्रिकेट मैदानमा बुधबार टस जितेर पहिलो ब्याटिङ गरेको हङकङले मार्टिन कोट्जीको ८६ रनको सहयोगमा निर्धारित २० ओभरमा तीन विकेटको क्षतिमा २१२ रन बनाएको थियो ।

हङकङका लागि कप्तान निजाकत खान ९ रनमा आउट भए । ३३ रन जोड्दा पहिलो विकेट गुमाउको हङकङका लागि दोस्रो विकेटकोरुपमा मार्टिन कोएट्जी र अन्शुमन रथले १०६ रनको साझेदारी गरेका थिए ।

कोएट्जीले सर्वाधिक ८६ रनको योगदान गरे । यसै सिरिज मार्फत डेब्यू गरेका कोएट्जीको यो पहिलो टी–ट्वान्टी आई अर्धशतक हो । अन्शुमन रथले ४१ रन बनाए । २० बलमा ६० रनको विस्फोटक इनिङ्स खेलका बाबर हायत अविजित रहे । यूएईका लागि निलान्स केसवानी, सञ्चित शर्मा र अकिफ राजाले समान एक विकेट लिए ।

२१३ रनको विसाल लक्ष्यसहित जवाफी ब्याटिङ गरेको यूएईले २० ओभरमा ५ विकेट गुमाएर १४३ रन मात्र बनाउन सक्यो । कप्तान मोहम्मद वसमि पहिलो आभरमै एहसान खानको बलमा व्याक्तिगत ३ रनमा बाबर हायातको हातबाट क्याच आउट भए । भृत्य अरविन्द ७ रन बनाएर रन आउट भए । आसिफ खान डकआउट हुँदा यूएई ३ ओभर २ बलमा ३ विकेट गुमाएर १९ रनको दयनीय अवस्थामा पुगेको थियो ।

चौंथौं विकेटका लागि खालिद शाह र अलिशान शराफुले ५१ रनको साझेदारी गर्दै यूएईको इनिङ्स सम्हाले । शराफु ३० रनमा अन्शुमान रथको बलमा क्याट आउट भए । खालिद शाहले ३५ रन बनाए । निलान्स केसवानी ३१ र बसिल हमिद ३० रनमा अविजित रहे । छौठौं विकेटका लागि केसवानी र हमिदले ६२ रनको साझेदारी गर्दा हङकङ यूएईलाई १२६ रनमा रोक्न असमर्थ रह्यो । सोही कारण समान १-१ जित भए पनि यूएई फाइनल पुगेको हो ।

अब युएइ समूह चरणको चार वटै खेल जितेर फाइनलमा पुगेको नेपालसँग पर्सि खेल्नेछ ।