काठमाडौँ । जारी टी-२० विश्वकप छनौट अन्तर्गत आज नेपालले मलेसियाको सामना गर्दै छ । खेल टियु क्रिकेट मैदानमा अपराहन्न १:१५ बजेदेखि शुरु हुने छ ।

सोमबारदेखि शुरु भएको विश्वकप छनौटमा नेपालले आफ्नो पहिलो खेलमा सिंगापुरलाई ८ विकेटले पराजित गरेर शानदार शुरुवात गरेको छ । त्यस्तै मलेसिया भने आफ्नो पहिलो खेलमा ओमानसँग पराजित भएको छ । सोमबार भएको खेलमा मलेसिया ओमानसँग ३२ रनले पराजित भएको थियो ।

त्यसैगरी आज समुह ‘ए’ का ओमान र सिंगापुर टियु मैदानमा बिहान ९ बजेदेखि खेल्दै छन् भने समुह ‘बि’ का बहराइन र हङकङ मुलपानी क्रिकेट मैदानमा बिहान ९ बजेदेखि खेल्दैछन् ।

त्यस्तै समुह ‘बि’ का कुवेत र युएई अपराहन्न १:१५ बजेदेखि मुलपानी क्रिकेट मैदानमा खेल्दै छन् ।

आगामी अक्टोबर ३० देखि नोभेम्बर ६ सम्म अर्थात कार्तिक १३ गतेदेखि २० गतेसम्म काठमाडौँमा हुने प्रतियोगितामा नेपाल समुह ‘ए’ मा रहेको छ । समूह ‘ए’ मा नेपाल, सिंगापुर, ओमान र मलेसिया रहेका छन् भने समूह ‘बी’ मा युएई, बहराइन, हङकङ र कुवेत रहेका छन् ।

नेपालले पहिलो खेल कार्तिक १३ गते सोमबार सिंगापुरसँग खेल्ने छ भने दोस्रो खेल कार्तिक १४ गते मलेसियासँग र तेस्रो खेल कार्तिक १६ गते ओमानसँग खेल्ने भएको छ ।

नेपालमा हुने विश्वकप छनोटका फाइनलमा पुग्ने दुई देश आगामी वर्ष अमेरिका र वेस्टइन्डिजमा हुने टी-२० विश्वकपमा छनौट हुने छन् ।