काठमाडौं । आईसीसी टी-२० विश्वकप एसिया क्षेत्र छनोटमा नेपालले मलेसियासँग टस हारेको छ।

मलेसियाले टस जितेर ब्याटिङ रोजेपछि नेपालले बलिङ गर्न लागेको हो । कीर्तिपुरस्थित त्रिवि अन्तर्राष्ट्रिय क्रिकेट मैदानमा केहीबेरमा खेल सुरु हुँदैछ ।

पहिलो खेलमा सिंगापुरलाई ८ विकेटले पराजित गरेको नेपाल लगातार दोस्रो जित निकाल्दै सेमिफाइनल पुग्ने लक्ष्यमा छ । मलेसिया भने पहिलो जितको खोजीमा छ। यसअघि पहिलो खेलमा मलेसिया ओमानसँग पराजित भएको थियो ।