काठमाडौं । लामो समयदेखि तिर्नुपर्ने बक्यौता नतिरेको भन्दै नेपाल विद्युत् प्राधिकरणले केन्द्रीय कारागार, सुन्धाराको विद्युत् लाइन काटिदिएको छ ।
मंगलबार प्राधिकरणका कर्मचारीले विजुलीको लाइन काटिदिएका कारागारका सूचना अधिकारी मित्रलाल लुइँटेलले जानकारी दिए ।

प्राधीकरण स्रोतले केन्द्रीय कारागारको नाममा डेढ करोड रुपैयाँ वक्यौता थियो । कारागारले ३७ लाख रुपैयाँ तिरे पनि सबै तिनुपर्ने भन्दै प्राधीकरणले लाइन काटेको हो ।

केन्द्रीय कारागारको सबै ब्लकमा गरेर अहिले ३५ सय भन्दा बढी कैदीबन्दी छन् ।