काठमाडौं । टी-२० विश्वकप छनोट प्रतियोगिताको फाइनल खेलमा नेपालले दिएको एक सय ८५ रनको लक्ष्य पछ्याइरहेको ओमानले आफ्नो छैटौँ विकेट गुमाएको छ ।

करण केसीले नेपाललाई छैटौँ सफलता दिलाएका हुन् ।उनले ओमानका ब्याट्सम्यान निसाम खुसीलाई एक रनको ब्यक्तिगत स्कोरमा बिवेक यादबद्वारा क्याच गराए । यस्तै, चोथो बलमा मेहरन खानलाई पनि करण विवेकबाट नै क्याच गराए ।

जारी खेलको १८ ओभर समाप्त हुँदा ओमानले ६ विकेट गुमाएर १६५ रन बनाएको छ ।

टस जितेर पहिला ब्याटिङ गरेको नेपालले निर्धारित २० ओभरमा छ विकेट गुमाउँदै एक सय ८४ रनको बनाएको थियो ।