काठमाडौं । विश्वकप क्रिकेटको सेमिफाइनलमा भारतले न्यूजिल्याण्डविरुद्ध पहिला ब्याटिङ गर्ने भएको छ ।

भारतका कप्तान रोहित शर्माले मुम्बईको बानखडे स्टेडियममा टस जितेर ब्याटिङ गर्ने निर्णय गरेका हुन् ।

सेमिफाइनल खेलका लागि भारत र न्यूजिल्याण्ड दुवैले टिममा केही परिवर्तन गरेका छैनन् ।

समूह चरणको एक मात्र अपराजित भारत सबै ९ खेल जितेर फाइनलमा पुगेको हो ।

न्यूजिल्याण्डले भने समूह चरणका ९ मध्ये ४ खेल हारेको थियो र समूह चरणमा चौथो भएर सेमिफाइलनमा पुगेको हो ।

यी दुईबीच समूह चरणमा भएको खेलमा भारत ४ विकेटले विजयी भएको थियो ।