पोखरा । पोखरामा जारी केपी ओली कप टी–२० क्रिकेट प्रतियोगिताको फाइनल खेल आज हुँदैछ । उपाधिका लागि आज त्रिभुवन आर्मी क्लब र मधेस प्रदेश भिड्ने भएका छन् ।

खेल आज पोखरा रङ्गशाला स्थित क्रिकेट मैदानमा हुनेछ । खेल आज मध्यान्ह साढे १२ बजेबाट हुनेछ ।

आर्मी सेमिफाइनलमा बागमतीलाई हराएर फाइनलमा पुगेको हो भने मधेसले एपीएफलाई पराजित गरेर फाइनलमा यत्रा सुनिश्चित गरेको थियो ।

मदन भण्डारी स्पोटर्स एकेडेमीले आयोजनामा गरेको प्रतियोगिताका विजेताले ५ लाख पाउनेछन् भने उपविजेताले २ लाख ५० हजार नगदसहित सिल्ड, मेडल र प्रमाणपत्र प्राप्त गर्ने छन् । प्रतियोगितामा १२ टिमको सहभागिता थियो ।

म्यान अफ द सिरिजले नगद ३० हजार, बेस्ट बलरले नगद २० हजार र म्यान अफ द म्याचले नगद ५ हजार रुपैयाँ नगद पाउने आयोजकले जनाएको छ ।