काठमाडाैँ । नेपाल सुपर लिग (एनएसएल) को पहिलो क्वालिफायरमा आज पोखरा थन्डर्सले साविक उपविजेता धनगढी एफसीको सामना गर्दैछ। 

खेल त्रिपुरेश्वरस्थित दशरथ रंगशालमा साँझ साढे ५ बजे सुरु हुनेछ । यो खेल सेमिफाइनल जस्तै हुनेछ ।

लिगका ८ खेलमा पोखराले चारमा जित, ३ खेलमा बराबरी र १ खेलमा हार भोग्दै १५ अंकमा शीर्ष स्थानमा रहँदै क्वालिफायरका लागि स्थान पक्का गरेको हो। 

पोखराले यस सिजनमा सबैभन्दा सुरुमा प्लेअफमा स्थान बनाएको थियो र लिगमा ८ मध्ये ४ जित ३ बराबरी र १ हारको नतिजासहित १५ अंक जोडेर शीर्षमा रह्यो ।

उता धनगढी भने ३ खेलमा जित, ४ खेलमा बराबरी र १ खेलमा हार भोग्दै १३ अंकमा दोस्रो स्थानमा रहेर क्वालिफायर खेल्न लागेको हो। 

लिग चरणमा पोखरा र धनगढीबीच अन्तिम चरण अर्थात आठौं चरणमै खेल भएको थियो । खेल १-१ को बराबरीमा टुङ्गिएको थियो ।

यो खेलको विजेताले सिधै फाइनलमा स्थान पक्का गर्नेछ। पराजित हुने टोलीले भने उपाधि नजिक पुग्न अर्को मौका पाउनेछ। 

यो खेलमा पराजित हुने टोलीले एलिमिनेटर खेलको विजेतासँग फाइनल पुग्नका लागि खेल्नेछ।