काठमाडौं । नेपाली कांग्रेसको आज बस्ने भनिएको कार्यसम्पादन समितिको बैठक सरेको छ ।

आज दिउँसो १ बजेका लागि तय भएको बैठक भोलि (आइतबार) दिउँसो १ बजेका लागि सरेको हो ।

केन्द्रीय कार्यालय सानेपामा बस्ने बैठकमा राष्ट्रिय सभा सदस्यको निर्वाचन र पछिल्लो राजनीतिक घटनाक्रमकाबारेमा छलफल हुने बताइएको छ ।

आगामी ११ माघमा राष्ट्रिय सभा सदस्यको निर्वाचन हुँदैछ । यसका लागि हालसम्म पनि सत्ता गठबन्धनले सिट भागबन्डा गरिसकेको छैन ।

एमालेले भने निर्वाचन हुन लागेका १९ सिटमै उम्मेदवार दिने निर्णय गरिसकेको छ ।