बाजुरा । बाजुराको स्वामीकार्तीक खापर गाउँपालिकाकी उपाध्यक्ष मैना जोशीको निधन भएको छ।

गाउँपालिका अध्यक्ष भरतबहादुर रोकायाका अनुसार बिहीबार बिहान करिब ४ बजेतिर जोशीको ५२ वर्षको उमेरमा आफ्नै घरमा निधन भएको हो।

उपाध्यक्ष जोशी क्यान्सरबाट पीडित थिइन्। ललितपुरको किष्ट अस्पतालमा उपचार गराएर हालै उनलाई घर लगिएको थियो।

२०७९ सालमा भएको स्थानीय तहको निर्वाचनमा जोशी नेपाली कांग्रेसको उम्मेदवारका रुपमा स्वामीकार्तीक खापर गाउँपालिकाको उपाध्यक्षमा निर्वाचित भएकी थिइन्।