जनकपुरधाम । सर्लाहीको बलरामा एक युवती घरमै मृत फेला परेकी छन्। मृत्यु हुनेमा बलरा नगरपालिका–४ जब्दी बस्ने छोटेलाल सहनीकी २१ वर्षीया श्रीमती पूजा देवी छिन् ।

सर्लाहीका प्रहरी उपरीक्षक (एसपी) प्रविन धितालका अनुसार मंगलबार राति घरमै उनको शव शंकास्पद अवस्थामा फेला परेको जनाकारी दिए ।

प्रहरीका अनुसार मृतक पूजाको घाँटीमा डाम देखिएको र उनका पति छोटेलाल तथा ससुरा जयनारायण सहनी फरार भएकाले घटना शंकास्पद बनेको हो ।

घटना हुनुअघि घरमा विवाद भएको स्थानीयले बताए । घटना अनुसन्धानका लागि मृतक पूजा देवीकी सासु बनारसी देवीलाई नियन्त्रणमा लिइएको एसपी धितालले बताए ।