काठमाडौं । नेकपा माओवादी केन्द्रले तत्काल आफ्नो नाम र चुनाव चिह्न नफेर्ने भएको छ।

चार दिनदेखि काठमाडौँमा जारी विधान अधिवेशनलाई सम्बोधन गर्दै अध्यक्ष पुष्पकमल दाहाल प्रचण्डले तत्काल पार्टीको नाम र चुनाव चिह्न नफेर्ने निर्णय भएको बताएका हुन् ।

उनले आवश्यकता अनुसार आगामी दिनमा पार्टीको नाम भने फेर्न सकिने बताए।

पार्टीकाे विधान अधिवेशनका क्रममा बनाइएका समूहबाट पार्टीको नाम र चुनाव चिह्न फेर्ने सुझाव आएको थियो।