एजेन्सी – फिफा विश्वकप कतार २०२२ को युरोपेली छनोट आजदेखि सुरु हुने भएको छ ।
समूह ‘इ’ मा रहेको बेल्जियमले आफ्नो घरेलु मैदानमा वेल्सको आतिथ्यता गर्दैछ । २०१६ मा भएको युरोकपको क्वाटरफाइनल पछि बेल्जियम र वेल्स पहिलोपटक भिड्न लागेका हुन् । त्यतिबेला मा वेल्सले बेल्जियमलाई ३–१ ले हराएको थियो ।
घरेलु मैदानमा हुने खेलमा बेल्जियम वेल्सलाई हराउदै विश्वकप छनोटमा सुखद सुरुवात गर्ने दाउमा हुनेछ । रोमेलु लुकाकु, थोर्गन हाजार्ड, केभिन डि ब्रुयन, थोमस म्युनियर गोलरक्षक थिवाउन कोर्टुवाको साथ रहेको छ ।
यता, वेल्स पनि बेल्जियमलाई हराउदै विश्वकप छनोटको सुरुद नतिजा निकाल्ने दाउमा हुनेछ । टोलीसँग ग्यारेथ बेल, हाल रुब्सन कानु, ड्यानियल जेम्स, डेभिसलगायत खेलाडीको साथ रहेका छन् ।
हाल सम्म टोलीको पाँच भेटमा वेल्स २ तथा बेल्जियम १ खेलमा विजयी हुदा २ खेल बराबरीमा सकिएको छ । वेल्स पछिल्लो चार खेलमा बेल्जियमसँग अपराजित छ । वेल्स सोही अपराजित यात्रालाई निरन्तरता दिने दाउमा रहँदा बेल्जियम वेल्ससँगलाई हराउने लक्ष्यमा हुनेछ ।
यही समूहको अर्को खेलमा राति १ः३० बजे नै इस्टोनिया र चेक रिपब्लिकबीच प्रतिस्पर्धा हुदैछ ।