ललितपुर । नेपाली कांग्रेसका नेता नविन्द्रराज जोशीको शव पार्टी कार्यालय सानेपामा राखिएको छ । मष्तिष्कघातका कारण गएराति निधन भएका जोशीको शव श्रद्धाञ्‍जलीका लागि पार्टी कार्यालय सानेपामा राखिएको हो । कांग्रेस प्रवक्ता विश्‍वप्रकाश शर्माले जोशीको शव दिउँसो २ बजेसम्म श्रद्धाञ्‍जलीका लागि पार्टी कार्यालयमा राखिने जानकारी दिएका थिए ।

जोशीको निधनप्रति राष्ट्रपति विद्यादेवी भण्डारी, कांग्रेस सभापति शेरबहादुर देउवा,वरिष्ठ नेता पौडेल, कांग्रेस महामन्त्री शशाकं कोइराला, संस्कृति, पर्यटन तथा नागरिक उड्डयन मन्त्री भानुभक्त ढकाल,लगायतले दु .ंख व्यक्त गरेका थिए ।

शनिबार बिहान नर्भिक अस्पतालमा जोशीको पार्थिव शरीरमा कांग्रेस नेता प्रकाशमान सिंह र काठमाडौंका जिल्ला सभापति सबुझ बानियाँले पार्टीको झन्डा ओडाएर श्रद्धाञ्‍जली अपर्ण गरेका थिए । जोशीको शव शनिवार दिउँसो ३ बजे अन्त्येष्टि गरिने परिवारले जनाएको छ ।