काठमाडौं । आर्थिक वर्ष २०८१/८२ को बजेट सार्वजनिकपछिको पहिलो कारोबारमा शेयर बजार दोहोरो अंकले ओरालो लागेको छ। नेप्से परिसूचक २३.८१ अंकले घटेर २०८९.४२ को विन्दुमा झरेको छ।

घटेको बजारमा ५६ कम्पनीको मात्रै शेयरभाउ बढेको छ भने १९१ कम्पनीको बढेको छ। यो दिन नेप्सेमा रहेका १३ वटा उपसमूहमध्ये ४ वटामात्रै बढेको छ भने ८ वटा घटेको छ। एउटा समूह स्थिर रहेको छ।

आज बजारमा ३१४ कम्पनीका १ करोड ७ लाख ३८ हजार १६९ कित्ता शेयर ४ अर्ब ५७ करोड ५० लाख ६३ हजार २७४ रुपैयाँमा किनबेच भएका छन्। यो दिन पोखरा फाइनान्सको सर्वाधिक कारोबार भएको छ।