काठमाडौं । साताको पहिलो कारोबार दिन आइतबार शेयर बजार दोहोरो अंकले ओरालो लागेको छ। नेप्से परिसूचक १७.०४ अंकले घटेर २०९५.२५ को विन्दुमा बन्द भएको छ।

बजारमा आज ६४ कम्पनीको शेयरभाउ बढेको छ भने १७७ वटाको घटेको छ। यो दिन ६ कम्पनीको शेयरभाउ स्थिर रहेको छ।

आज होटेल तथा पर्यटन समूहबाहेक अन्य १२ समूह घटेको छ। घटेको बजारमा आज ३१७ कम्पनीका १ करोड ३२ लाख २३ हजार ८८४ कित्ता शेयर ५ अर्ब ४७ करोड २२ लाख ५३ हजार ५५२ रुपैयाँमा किनबेच भएका छन्। आज नेपाल फाइनान्सको सर्वाधिक कारोबार भएको छ।