काठमाडौं। नेपालमा पछिल्लो समय विद्युतीय सवारीसाधनको आकर्षण बढ्दो छ ।

भर्खरै सम्पन्न नाडा अटो शो ले पनि यसको पुष्टि गरिसकेको छ । शोमा अधिकांश बुकिङ विद्युतीय सवारीको नै रहेको थियो ।

नाडामा एमएडब्लु वृद्धि मोटर्स प्रा. लि ले मात्र एक हजार भन्दा बढी गाडीको बुकिङ लिएको थियाे । यो नाडाको इतिहासमा हालसम्मकै बढी बुकिङ रहेको कम्पनीका बिजनेश हेड प्रशन्न पन्तको भनाइ छ ।

शो मा एमएडब्लुको ईभी नामीले मात्र ७१७ युनिट गाडीको बुकिङ लिन सफल भएको थियो ।

नामीमा करोड पर्ने गाडीमा हुने फिचर भएकाले यसप्रति ग्राहकहरुको आर्कषण बढेको पन्त बताउँछन् । यसमा रहेको फ्रेमलेस डोर, फ्ल्स हेन्डल, वेलकम सिट्स्, मेमोरी सिट्स्, अटो पार्किङ जस्ता फिचरले ग्राहकको ध्यान खिचेको उनको भनाई छ । ‘जुन मुल्यमा यो गाडी हामीले बिक्री गरिरहेका छौं, यो मुल्यमा आजको दिनमा नेपालमा यस्ताे कुनैपनि गाडी छैन’, पन्तले भने ।

एमएडब्लुसँग नामी इ १, इ २ र इ ३ गरी ३ वटा मोडलमा रहेका छन् । नामी इ १ को मुल्य २९ लाख ९९ हजार, इ २ को मुल्य ३१ लाख ९९ हजार र इ ३ को मुल्य ३४ लाख ९९ हजार रहेको छ । नामी गाडी ग्रीन, वाइट, ब्लु र पर्पल गरी ४ वटा कलरमा उप्लब्ध छ ।

त्यस्तै कम्पनीकै अर्को ईभी सेरेसको पनि शोमा २०७ युनिट बुकिङ भएको थियो । यसमा रहेको १९० एमएम को ग्राउण्ड क्लेयरेन्सले ग्राहकलाई एसयुभीकाे अनुभव गराउने पन्तकाे भनाइ छ ।

पन्तका अनुसार बिक्री वितिरण सुरु गरेको एक वर्ष नपुग्दै नेपालभर ३५० बढी सेरेस गाडी बिक्री भइसकेका छन् । एमएडब्लुले छिट्टैनै सेरेसको अप्डेटेड भर्जन नेपाल भित्र्याउन लागेको पन्तले जानकारी दिए ।

सेरेसमा कम्फर्ट र प्रिमियम गरी दुईवटा मोडल रहेको छ । कम्फर्टको मुल्य ४९ लाख ९९ हजार भने प्रिमियमको मुल्य ५२लाख ९९ हजार रहेको कम्पनीले जनाएको छ ।

बुकिङ लिएका कस्टमरहरुलाई समयमै गाडी उपलब्ध गराउन आफुहरु तयार रहेको पन्तले बताएका छन् । ‘कम्पनीले कस्टमरहरुसँग कमिट्मेन्ट गरेअनुसार नै गाडी डेलिभरी गर्छ’, उनले भने ‘देशभर १० ओटा स्थानमा हाम्रो डिलर छन्, सबै स्थानबाट डेलिभरी दिन्छौं ।’