काठमाडौं । नेपालका लागि टाटा मोटर्सको एकमात्र अधिकारिक वितरक,एलआरआर ग्रुपले २०८१ सालको दशैंको अवसरमा नयाँ गाडी खरिदकर्ता बीएडब्लु ब्रम्बी ईभी किन्दा एक वर्षको ब्याज नै नलाग्ने भएको छ ।

 नेपालका लागि बीएडब्लुको आधिकारिक वितरक एलआरआर मोटर्सले सो अफर सो अफर ल्याएको हो ।

कम्पनीका बिजनेस हेड आकाश कुमार थापाका अनुसार एलआरआर मोटर्सले शून्य प्रतिशत ब्याजदरमा सो अफर ल्याएको बताए । यस अनुसार पहिलो वर्ष कुनै ब्याज नै तिर्नु पर्दैन ।

३० किलोवाटको मोटर र १७.२८ किलोवाट आवरको ब्याट्री भएको सो सिटी कारले सिंगल चार्जमा १९० देखि २०० किलोमिटर रेन्ज दिने एलआरआर कम्पनीको भनाइ छ ।

होम एसी चार्जरको सहयोगले चार्ज गर्न सकिने सो कारमा एलएफपी ब्याट्री रहेको छ । यसको लम्बाई, चौडाई र उचाई क्रमशः ३५३२ एमएम, १४९८ एमएम र १६०५ एमएम रहेको छ । यसमा १५५–६५आर१३ साइजको टायर रहेको छ ।

सिम्पल बडी डिजाइन र पर्सनलाइज्ड फ्रन्ट फेस सेप सहितको फेसनेबल एपियरेन्स रहेको बीएडब्लु ब्रम्बी ईभीलाई इको र स्पोर्ट ड्राइभिङ मोडमा चलाउन सकिन्छ ।

यो गाडीको मूल्य २२ लाख ९९ हजार रुपैयाँ कायम गरिएको छ ।