काठमाडौं । मेलम्ची पानी आजदेखि काठमाडौं आउने भएको छ ।

मेलम्ची खानेपानी आयोजनास्थलका स्थानीयसँगको १० बुँदे सहमतिपछि आजदेखि यहाँ पानी छोडिने भएको हो ।

सोमबार बेलुका हेलम्बु पुगेका खानेपानी मन्त्री प्रदीप यादवले आन्दोलनमा उत्रेका स्थानीय ठेकेदार र स्थानीयहरूसँग सहमतिमा हस्ताक्षर गरेका थिए ।

दैनिक १७ करोड लिटर छाडिने तयारी सरकारले गरेको छ। अत्यधिक वर्षा भएपछि ११ असारदेखि मेलम्ची पानी काठमाडौँ पथान्तरण गर्न बन्द गरिएको थियो ।