काठमाडौं । नेपाल प्रिमियर लिग (एनपीएल) का लागि जनकपुर बोल्ट्स टोलीको मुख्य प्रशिक्षकमा पुबुदु दशानायके नियुक्त भएका छन् ।

श्रीलंकाली मूलका क्यानेडियन प्रशिक्षक पुबुदु नेपाली राष्ट्रिय टोलीको पूर्व मुख्य प्रशिक्षकसमेत हुन् । उनले दुईपटक नेपाली राष्ट्रिय टोली सम्हालेका थिए ।

पुबुदुलाई मुख्य प्रशिक्षक नियुक्त गरेको जानकारी मंगलबार सामाजिक सञ्जालमार्फत दिँर्दै जनकपुर बोल्ट्सले उनको आगमनले टोलीको मनोबाल उच्च भएको बताएको छ ।

एनपीएल आगामी मंसिर १५ देखि पुस ६ गतेसम्म हुँदैछ ।