काठमाडौं । गृहमन्त्रालयले अध्यागमन विभागको महानिर्देशकमा गोविन्द रिजाललाई सरुवा गरेको छ ।

मन्त्रालयले बुधबार रिजाललाई विभागमा सरुवा गरेको हो । केहि समयअघि रिजाल श्रम तथा रोजगार मन्त्रालयबाट गृहमा सरुवा भएका थिए ।

गृहका अनुभवी सहसचिव रिजालसँग यसअघि काठमाडौं , मकवानपुर , कैलाली, दाङलगायत जिल्लाको सिडियो भइसकेको अनुभव छ ।

यस्तै गृहले अर्का सहसचिव प्रकाश पौडेललाई चितवनको प्रमुख जिल्ला अधिकारीको रुपमा सरुवा गरेको छ ।

चितवनका प्रमुख जिल्ला अधिकारी इन्द्रदेव यादव मन्त्रालयमा तानिएका छन् ।