• 

काठमाडौं । लुम्विनी प्रदेशका मुख्यमन्त्री शंकर पोखरेलविरुद्ध अविश्वास प्रस्ताव दर्ता भएको छ । गण्डकीमा काग्रेस, माओवादी केन्द्र र जसपाले मिलेर त्यहाँका मुख्यमन्त्री पृथ्वीसुब्बा गुरुङ विरुद्ध अविश्वास प्रस्ताव दर्ता गराएको एक साता नपुग्दै लुम्विनीमा पनि यही गठवन्धनले मुख्यमन्त्री पोखरेल विरुद्ध अविश्वास प्रस्ताव दर्ता गराएको हो ।

सोमबार नेपाली काँग्रेस, माओवादी केन्द्र र जसपाका सांसदहरुले मुख्यमन्त्री पोखरेलविरुद्ध अविश्वास प्रस्ताव दर्ता गराएका हुन् ।
नयाँ मुख्यमन्त्रीमा माओवादी केन्द्रका दलका नेता कुलप्रसाद केसीको नाम प्रस्ताव गरिएको छ ।

लुम्बिनी प्रदेशमा ८७ सदस्यीय प्रदेशसभा छ । सरकार गठनका लागि ४३ सदस्य चाहिन्छ । मुख्यमन्त्री रहेको दल एमालेसाग ४१ सदस्य छन् । कांग्रेसका १९, माओवादी केन्द्रका १७, जसपाका ६ र राष्ट्रिय जनमोर्चाका एक जना प्रदेशसभा सदस्य छन् ।

मुख्यमन्त्री पोखरेल प्रधानमन्त्री केपी ओलीका विश्वासिला नेता मानिन्छन् ।