शनिबार, मंसिर १३, २०८२

साफ च्याम्पियनसिप : भुटानलाई हराउँदै बंगलादेश लगातार दोस्रोपटक फाइनलमा

मेरोन्यूज २०८१ कार्तिक ११ गते १६:४६

काठमाडौं। बंगलादेशले भुटानलाई हराउँदै लगातार दोस्रोपटक साफ महिला च्याम्पियनसिपको फाइनलमा पुगेको छ ।

आइतबार त्रिपुरेश्वरस्थित दशरथ रंगशालामा भएकाे खेलमा भुटानविरुद्ध बंगलादेशले ७–१ को सहज जित निकालेको हो ।

बंगलादेशको जितमा तोहुराले ह्याट्रिक गर्दा कप्तान सविना खातुनले दुई गोल थपिन् । रितु पोर्ना चक्मा र सिउलियाजमले एक/एक गोल गरे ।

यता भुटानकी देकी ल्हाजोमले एक गोल फर्काइन् ।

बंगलादेशले सातौँ मिनेटमा रितुको गोलबाट अग्रता बनाएको थियो । बंगलादेश पहिलो हाफमा ५–१ ले अगाडि थियो । बंगलादेशले दोस्रो हाफमा दुई गोल थप्यो ।

अब उपाधिका लागि बंगलादेशले भारत र नेपालबीचको विजेतासँग खेल्नेछ । प्रतियोगिताको दोस्रो सेमिफाइनल पनि आजै साँझ ६ः३० बजेदेखि दशरथ रंगशालामा हुने छ ।

प्रतिक्रिया