काठमाडौं । गत कार्तिक ३० गतेदेखी रिलिज भएको नेपाली चलचित्र ‘ह्रस्व दीर्घ’को प्रवर्द्धनको लागि भारतीय अभिनेता प्रदीप रावत नेपाल आइपुगेका छन् । श्रीमती एवं साउथ अभिनेत्री समेत रहेकी कल्याणीको साथ रावत आइतबार नेपाल आइपुगेका हुन् ।

उनीहरुलाई काठमाडौंको त्रिभुवन अन्तर्राष्ट्रिय विमानस्थलमा स्वागत गरिएको छ । विमानस्थलमा पत्रकारहरुसंग संवाद गर्दै अभिनेता रावतले आफू अभिनित फिल्मले नेपालमा राम्रो पर्फमेन्स गरेको कुरामा आफू खुसी व्यक्त गरे ।

चारदिन काठमाडौं बसाइमा उनीहरु पत्रकार सम्मेलन,मिडिया अन्तर्वार्तादेखि हल भिजिटसम्मका कार्यक्रममा सहभागि हुने बताइएको छ ।