काठमाडौं । चालू आर्थिक वर्षको पहिलो त्रैमासिकमा ४ खर्ब रेमिट्यान्स नेपाल भित्रिएको छ।

नेपाल राष्ट्र बैंकले सार्वजनिक गरेको वित्तीय विवरणका अनुसार अघिल्लो वर्षको पहिलो त्रैमासिकको तुलनामा चालू आवमा नेपाल भित्रिने रेमिट्यान्स ११.५ प्रतिशतले वृद्धि भई ४ खर्ब ७ अर्ब ३१ करोड रुपैयाँ पुगेको हो।

समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या १,१०,६५४ र पुनः श्रम स्वीकृति लिनेको संख्या ५९,९३९ रहेको छ । अघिल्लो वर्षको सोही अवधिमा यस्तो संख्या क्रमशः ११३,३९७ र ४९,२९७ रहेको थियो ।