काठमाडाैं । बलिउड अभिनेता अभिषेक बच्चनको फिल्म ‘आई वान्ट टु टक’ हालै रिलिज भएको छ । चलचित्रको प्रचारप्रसारमा यतिबेला उनी व्यस्त छन् ।

यसैबीच एक अन्तर्वार्तामा अभिषेकले आफ्ना सबै फिल्म लगातार फ्लप भइरहेका बेला अभिनय छाड्ने सोच बनाएको खुलासा गरेका छन् । ‘मेरो लगातार फिल्म फ्लप भइरहेको थियो। अचानक मेरो अभिनयलाई लिएर पनि आलोचना सुरू भयो। त्यतिबेला म ठूला-ठूला निर्देशकसँग काम गरिरहेको थिएँ। मनमा यो आशा थियो कि उनीहरू मलाई केही सिकाउँछन् र गलति सुधार्छु। तर केही परिवर्तन भइरहेको थिएन,’ उनले भने।

अभिषेकले आफु अभिनयको लागि नबनेको भन्दै बुबालाई भनेकाे बताए । ‘मैले बुवालाई म अभिनयको लागि बनेको होइन रहेछु भनें। त्यतिबेला मैले अरू केही गर्ने सोच बनाएँ। तर बुवाले मलाई अभिनय छाड्ने होइन, केही सिकेर राम्रो अभिनेता बन भन्ने सल्लाह दिनुभयो। उहाँले जुन फिल्म पाए पनि साइन गर भन्नु भयो। मैले त्यस्तै गरें’ उनले भने।