मुम्बई। डिसेम्बर ५ बाट हलमा रिलिज हुन लागेको ‘पुष्पा २ द रुल’ रिलिज हुन चार दिन बाँकी छ ।

फिल्मले प्रि थिएटरमा रिलिजसँगै एक हजार करोड कमाएको खबर छ । जहाँ पहिलो दिनको ओपनिङ १०० देखि २०० करोड भारु अनुमान गरिएको छ ।

फिल्म अब रिलिज हुनुअघि ओटीटी रिलिजको अपडेट पनि आएको छ।

स्ट्रिमिङ अपडेट्सको एक्स पेजमा सेयर गरिएको पोष्टमा लेखिएको छ, ‘पुष्पा २ द रुल’ डिजिटल अधिकार नेटफ्लिक्सले थियटर रिलिजपछि अधिग्रहण गरेको छ, तेलुगु, तमिल, कन्नड, मलयालम र हिन्दीमा।’

विश्वव्यापी १२ हजार स्क्रिनमा रिलिज हुन लागेको ‘पुष्पा २’ यस वर्षकै सबैभन्दा ठूलो फिल्म बन्ने अपेक्षा गरिएको छ ।

फिल्मको अग्रिम टिकट बुकिङ नोभेम्बर ३० बाट सुरु भएको छ ।