काठमाडौं । काठमाडौँको जडिबुटीमा रोकीराखेको टिपरमा ठाेक्किएर मोटरसाइकल चालककाे मृत्यु भएकाे छ ।

शनिबार राति सडकमा रोकी राखेको बा.४ ख ६१८२ नम्बरको टिपरमा प्र.३-०२-००४ प ०२०५ नम्बरको मोटरसाइकल ठक्कर खाई दुर्घटना हुँदा मोटरसाइकल चालक पर्सा वीरगंज महानगरपालिका-१४ मुरलीवगैंचा घर भई काठमाडौं काँडाघारी हात्तिडाँडा बस्ने ४५ वर्षीय संजय सिंहको मृत्यु भएको हाे।

दुर्घटनामा गम्भीर घाइते भएका उनको राष्ट्रिय ट्रमा सेन्टर महांकालमा उपचारको क्रममा मृत्यु भएको हो । हाल फरार टिपर चालकको प्रहरीले खोजी गरिरहेको छ ।