काठमाडौं । काठमाडौंको कीर्तिपुर नगरपालिका–४ को वडाध्यक्ष पदमा नेपाली कांग्रेसका उम्मेदवार राजेन्द्र बानियाँ निर्वाचित भएका छन् । आइतबार भएको उपनिर्वाचनमा उनले ७४२ मत पाएका हुन्।

निर्वाचन आयोगका अनुसार बानियाँका निकटतम प्रतिस्पर्धी स्वतन्त्र उमेदवार पविता खड्का (अधिकारी)ले ४९५ मत ल्याइन् । यस्तै नेकपा (माओवादी केन्द्र)का उम्मेदवार नारायण विष्ट २८७ मत ल्याएर तेस्रो स्थानमा रहेका छन् ।