काठमाडौं । भारतीय गायक अरमान मलिकले विवाह गरेका छन् । गायकले प्रेमिका आशना श्राफसँग लगनगाँठो कसेका हुन् ।

बिहीबार सामाजिक सञ्जालमा आफ्नो विवाहको तस्बिर सेयर गर्दै अरमानले लेखेका छन्, ‘तिमी मेरो घर हौ ।’

अरमान र आशनाले अगस्ट २०२३ मा इन्गेजमेन्ट गरेका थिए । उनीहरु सन् २०१९ देखि एकअर्कालाई डेट गरिरहेका थिए ।

आशना एक फेसन प्रभावकार र ब्लगर हुन्। उनले कस्मोपोलिटन लक्जरी फेसन इन्फ्लुएन्सर अफ द इयर २०२३ को उपाधि पनि हात पारेकी थिइन् ।

अरमानको कुरा गर्दा उनी संगीतकार अनु मलिकका भतिजा हुन् र गायक हुन् । उनले आवाज तुम हो, बोल दो ना जरा र बुट्टा बोम्मा जस्ता चर्चित गीत गाएका छन् ।