काठमाडाैं । गायिका एलिना चौहानले नयाँ गीत सार्वजनिक गरेकी छन्।

उनले बिहीबार आफ्नै युट्युब च्यानलमार्फत ‘एक्लैपनि जिन्दगी चल्दो रहेछ’ बोलको गीत सार्वजनिक गरेकी हुन्। गीतको भिडियोमा पनि उनी देखिएकी छन् ।

यतिबेला श्रीमान विष्णु सापकोटासँग एलिनाको सम्बन्ध बिग्रेको चर्चा छ । यहीबीच उनले ‘एक्लैपनि जिन्दगी चल्दो रहेछ’ गित ल्याएपछि डिभोर्सको हल्लालाई थप बल पुगेको छ।

रोशन सिंहको शब्द तथा संगीत रहेको गीतमा विशाल निरौलाको संगीत संयोजन छ। महेश महराले छायांकन गरेको गीतको भिडिओलाई लक्ष्मण चौहानले सम्पादन गरेका छन्। गीतलाई विक्रम चौहानले निर्देशन गरेका हुन्।

करिब १ वर्षअघि अस्ट्रेलिया बस्दै आएका विष्णुसँग एलिनाकाे विवाह भएको थियो । केही समयको प्रेमपछि उनीहरु विवाह बन्धनमा बाँधिकएका थिए ।

विवाहपछि एलिना पनि अस्ट्रेलिया गएकी थिइन्। तर छोटो समयमै नेपाल फर्किइन् र यहाँबाट फिर्ता गएकी छैनन् ।