काठमाडौं । बिहिबार सेयर बजार दोहोरो अंकले घटेको छ । आज नेप्से परिसूचक ११ दशलमव १० अंकले घटेर २,६५४ को विन्दुमा कायम भएको हो।

यसदिन ८६ कम्पनीको मात्रै शेयर मूल्य बढेको छ भने १५० कम्पनीको सेयर मूल्य घटेको छ । आज दिनभरिमा ३१८ कम्पनीको १ करोड ५१ लाख ४ हजार ३३ कित्ता सेयर किनबेच हुँदा ७ अर्ब ८५ करोड माथिको कारोबार भएको छ ।

बिहिबार सबैभन्दा धेरै सप्तकोशी डेभलपमेन्ट बैंकको सर्वाधिक कारोबार भएको छ । यसदिन बैंकको ३० करोड ८९ लाख रुपैयाँको कारोबार भएको छ । एनआरएनको २१ करोड ३८ लाख रुपैयाँको कारोबार भएको छ । यूनाइटेड इदि मर्दिको १९ करोड ५५ लाख रुपैयाँको सेयर कारोबार भएको छ ।

आज सबैभन्दा धेरै सामुदायिक लघुवित्त वित्तीय संस्था, कर्पोरेट डेभलपमेन्ट बैंक र सिक्लेस हाइड्रोपावरका लगानीकर्ताले कमाएका छन् भने सबैभन्दा धेरै सुपरमादी हाइड्रोपावर कम्पनी र मन्दकिनी हाइड्रोपावरका लगानीकर्ताले गुमाएका छन् ।