काठमाडौं। सरकारले ल्याएको सबै अध्यादेश माघ १८ गते बस्ने प्रतिनिधि सभाको बैठकमा पेश गर्ने सहमति भएको छ ।

आज बसेको सभामुख र पाँच दलका प्रमुख सचेतकको छलफलमा अध्यादेशहरू १८ माघमा पेस गरेर २२ माघमा संसद्‌मा निर्णयार्थ प्रस्तुत गर्ने सहमति भएको हो ।

यस्तै भोलि कार्यव्यवस्था परामर्श समितिको बैठक बस्ने बुझिएको छ । आजको बैठकमा यो महिनासम्म चल्ने संसद् बैठकको क्यालेन्डर पनि तय गरिएको छ ।

आगामी माघ १८ गते संसद्को हिउँदे अधिवेशन सुरु हुँदैछ । ‘बैठकको पहिलो दिन अध्यादेशहरू पेस हुनेछ । त्यसपछि माघ २२, २३ र २४ गते लगातार संसद् बैठक बस्नेछ । र २२ गते अध्यादेशहरू निर्णयार्थ पेस गरिनेछ,’ बैठकमा सहभागी एक सचेतकले भने ।