काठमाडौं । नयाँ इलेक्ट्रिक गाडी एमजी एस फाइभ ईभी नेपालमा आज सार्वजनिक हुँदैछ ।

एमजी गाडीको नेपालका लागि आधिकारिक विक्रेता पारामाउन्ट मोटर्सले एस फाइभ गाडी सार्वजनिक गर्न लागेको हो । पियोर इभी प्लेटफर्ममा बनाइएको यो गाडी रियर ब्हिल ड्राइभ भएको कम्पनीले बताएको छ ।

एमजीले यसअघि बिक्री गर्दै आएको जेडएस इभीको यो अपग्रेटेड भर्सनको गाडी हो।

कम्पनीका अनुसार यो गाडी सिटिएल ब्याट्रीबाट बनाइएको हो। ज्यादै पातलो र अहिलेको परिप्रेक्ष्यमा यो ब्याट्री निकै विश्वसनियता भएको कम्पनीको दाबी छ ।

एमजी एस फाइभ ईभी गाडीको परफेक्ट लुक्स, इन्टेलिजेन्स, भर्टीकल नभइकन होराइजेन्टल ब्याट्री फिट भएको छ । ९९ किलोवाटको यो गाडीमा ४९.१ र ६२.२ किलोवाटको ब्याट्री जडान गरिएको छ।

एसफाइभको लम्बाइ ४४ सय ७६ एमएम, चौडाइ १८ सय ४९ एमएम र उचाई १६ सय २१ एमएम रहेको छ।