काठमाडौं । आमिर खानलाई बलिउडको मिस्टर परफेक्शनिस्ट भनिन्छ। तर यो पद प्राप्त गर्न उनलाई त्यति सजिलो थिएन। यसका लागि उनले धेरै संघर्ष गर्नुपर्‍यो।

आमिरको भाग्य त्यतिबेला परिवर्तन भयो जब उनको फिल्म कयामत से कयामत तक बक्स अफिसमा ब्लकबस्टर बन्यो। यो फिल्मपछि उनलाई एक/दुई होइन, लगभग ३/४ सय फिल्मको अफर आयो।

फिल्म फेस्टिवलको सुरुवात कार्यक्रममा आमिर आफैंले यो कुराको खुलासा गरेका हुन्। उनले भने,’ ‘जब मैले फिल्मी करियर सुरु गरें, सुरुवातमा सन्तुष्ट थिइनँ।’ तर मेरो फिल्म कयामत से कयामत तक ब्लकबस्टर हुने बित्तिकै मेरो भाग्य बदलिएको जस्तो लाग्यो।’

उनले थप भने, ‘मलाई धेरै अफर आउन थाले। इमान्दारीपूर्वक भन्नुपर्दा, मलाई लगभग ३०० देखि ४०० फिल्मको अफर आयो। विभिन्न ठाउँबाट निर्माताहरू मलाई भेट्न आउँथे। त्यतिबेला म नयाँ थिएँ। मलाई थाहा थिएन कि फिल्म साइन गर्नु पनि ठूलो जिम्मेवारी हो। त्यतिबेला एउटा अभिनेताले एकैसाथ कम्तीमा ३० देखि ५० वटा चलचित्रमा काम गर्थे। यो देखेर, मैले पनि एकैचोटि ९-१० वटा फिल्म साइन गरें। जब यी फिल्महरूको छायांकन सुरु भयो, मलाई महसुस भयो कि मैले ठूलो गल्ती गरेको छु।’