काठमाडौं । राष्ट्रिय प्रजातन्त्र पार्टी (राप्रपा)का वरिष्ठ नेता तथा सांसद दीपक बोहोराको निधन भएको छ ।

काठमाडौंको ओम अस्पतालमा उपचारको क्रममा उनको निधन भएको हो । सांसद बोहरा बिगत दुई वर्षदेखि बिरामी थिए।

उनी राप्रपाका वरिष्ठ नेता एवं पूर्वमन्त्रीसमेत हुन्। २०७९ को आम निर्वाचनमा उनी रुपन्देही क्षेत्र नम्बर १ बाट निर्वाचित भएका थिए। उनले तत्कालीन गृहमन्त्रीसमेत रहेका कांग्रेस नेता बालकृष्ण खाणलाई हराएर बिजेता बनेका हुन् ।