पाकिस्तानी प्रधानमन्त्री शहबाज शरीफले आफ्ना लेबनानी समकक्षी नवाफ सलाम सँग टेलिफोन वार्ता गरेका छन्।

वार्तापछि जारी गरिएको विज्ञप्तिमा पाकिस्तानी प्रधानमन्त्रीको कार्यालयले इजरायलले गरिरहेको निरन्तर आक्रमणको इस्लामावादले ‘कडा निन्दा’ गरेको उल्लेख गरेको छ। विज्ञप्तिमा थपिएको छ कि, लेबनानी प्रधानमन्त्रीले ‘लेबनान’ र त्यहाँका जनतालाई लक्षित गरी भइरहेका आक्रमणहरू तत्काल रोक्नका लागि पाकिस्तानको सहयोग मागेका छन् ।

अमेरिका र इरानबीच भर्खरै भएको युद्धविराममा लेबनान समावेश छ कि छैन भन्ने विषयमा अन्योल सिर्जना भएको छ। वासिङ्टनले लेबनान समावेश नभएको बताएको छ भने वार्ताको मध्यस्थता गरिरहेको पाकिस्तानले भने लेबनान पनि यसैमा समेटिएको दाबी गर्दै आएको छ। इरानले पनि लेबनान सम्झौताभित्रै अनिवार्य रुपमा पर्नुपर्ने माग गर्दे आएको छ ।