काठमाडौं । नेकपा माओवादी केन्द्रको स्थायी समिति बैठक वस्दैछ । प्रधानमन्त्री केपी ओलीले आगामी वैशाख २७ मा विश्वासकोम त लिने गरी संसदको विशेष अधिवेशन बोलाएको सन्र्दभमा पार्टीले प्राविधिक रुपमा मात्र केपी ओली नेतृत्वको सरकारलाई दिईरहेको समर्थन के गर्ने र ओलीले लिन चाहेको विश्वासको मतलाई कसरी असफल पार्ने भन्नेमा केन्द्रीत रहेर माओवादी बैठकमा छलफल हुने बताईएको छ ।

बैठक अहिले केही बेर पछि अर्थात ३ बजेपछि पार्टी मुख्यालय पेरिसडाडामा बस्ने गरी तय भएको स्थायी समिति सदस्य गणेश साहले बताए ।

केपी ओली नेतृत्वको सरकार लाई राजनीतिक रुपमा समर्थन माओवादीले एमाले माओवादी ब्यूतिए देखि नै दिएको छैन । मात्र ओलीले फेरि संसद विघटन गरेर चुनाव घोषणा गर्ने र चुनाव पनि नगराई मुलुकलाई नै पञ्चगमनतिर लैजान सक्ने राजनीतिक विश्लेषणका आधारमा मात्र उसले समर्थन फिर्ता लिएको घोषणा औपचारिक रुपमा गरेको थिएन । यससम्वन्धमा निर्णय लिन माओवादी केन्द्रले अध्यक्ष पुष्पकमल दाहाल (प्रचण्ड)लाई जिम्मा दिईसकेको छ ।

बैठकमा उपलब्ध स्थायी समिति सदस्यलाई मात्र बोलाइएको छ । कतिपय नेताहरु जिल्ला वाहिर रहेकोले पनि जिल्ला वाहिर रहेकालाई छोडेर काठमाडौंमा रहेका स्थायी समिति सदस्यलाई मात्र बैठकका लागि निम्तो पठाईएको साहको भनाई छ ।

कोरोना रोकथाम र नियन्त्रणका लागि सरकारले विभिन्न जिल्लामा निषेधाज्ञा जारी गरेकाले काठमाडौंमा उपलब्ध स्थायी कमिटी सदस्यलाई मात्र बैठकमा बोलाइएको साहले जानकारी दिए ।